Тошкентда TIIF-2026 халқаро инвестиция форуми бошланди

Тошкент, Ўзбекистон (UzDaily.uz) — Тошкент шаҳрида 2026 йил 16–18 июнь кунлари бўлиб ўтаётган бешинчи юбилей Тошкент халқаро инвестиция форуми (TIIF-2026) ўз ишини бошлади.

Форум мамлакатнинг асосий инвестиция платформаси ва Марказий Осиёдаги энг йирик бизнес тадбирларидан бири ҳисобланади.

Жорий йилда TIIF-2026 ўз кўламини сезиларли даражада кенгайтирди: иштирокчи давлатлар ва халқаро инвесторлар сони ошди, шунингдек бизнес дастури ҳам анча кенгайтирилди. Янги саноат йўналишлари, инновацион лойиҳалар тақдимотлари, технологик музокаралар ҳамда йирик инвестиция келишувларини муҳокама қилишга алоҳида эътибор қаратилди.

Қайд этилишича, форум глобал капитални жалб қилишнинг муҳим маркази ҳамда минтақа инвестиция кун тартибини шакллантиришга хизмат қилувчи стратегик майдон сифатида ўз мавқеини мустаҳкамлаб бормоқда.

TIIF-2026 халқаро ҳамкорликни кенгайтириш, янги инвестиция имкониятларини излаш, шунингдек иқтисодиётнинг турли тармоқларида истиқболли лойиҳаларни муҳокама қилиш учун муҳим майдон сифатида қаралмоқда.