Сирдарё Хитой билан логистика ва агросаноат комплекси лойиҳаларини муҳокама қилди

Тошкент, Ўзбекистон (UzDaily.uz) — Сирдарёда вилояти ҳокими Эркинжон Турдимов Хитой Халқ Республикасидаги ташриф доирасида Xinjiang Trade and Logistics Group, Xinjiang Machinery Research Institute Co.,Ltd. ва Hualing Cattle Industry Group Co., Ltd. компаниялари раҳбарияти билан учрашув ўтказди.

Мулоқотда Сирдарё вилоятида қишлоқ хўжалиги маҳсулотлари логистикасини ривожлантириш, йирик шохли қора моллар етиштириш бўйича ҳамкорликни йўлга қўйиш, шунингдек, комбайнлар учун эҳтиёт қисмлар ишлаб чиқариш имкониятлари муҳокама қилинди.

Учрашувда Сирдарёни Марказий Осиё бозорларига чиқишда қулай ишлаб чиқариш ва логистика майдонига айлантириш, маҳаллий хомашё ва мавжуд имкониятлардан самарали фойдаланиш масалалари юзасидан фикр алмашилди.