Тошкент, Ўзбекистон (UzDaily.uz) — Наманган вилоятининг Поп туманида Германиянинг Hyper Partners GmbH компанияси томонидан амалга оширилаётган қуёш электр станцияси тўлиқ — 500 МВт қувватда ишлашга чиқди. Лойиҳанинг қиймати 350 млн долларни ташкил этади. Бу ҳақда Наманган вилояти ҳокимлиги ахборот хизмати хабар берди.
Лойиҳа босқичма-босқич амалга оширилди ва ҳозирда режалаштирилган 500 МВт қувватга етказилди.
Мазкур босқичнинг якунлангани муносабати билан катта авлод вакиллари, жамоатчилик ва оммавий ахборот воситалари иштирокида тантанали маросим ўтказилди.
Тадбир давомида анъанавий қурбонлик маросими ўтказилди. Шундан сўнг катта авлод вакиллари дуои фотиҳа қилиб, мамлакатда тинчлик ва осойишталик, халққа фаровонлик, эзгу ташаббусларга эса барака тиладилар.
