Ўзбекистон ва Покистон ўртасида илк чартер юк рейси амалга оширилди
Тошкент, Ўзбекистон (UzDaily.uz) — Ўзбекистон Республикаси ва Покистон Ислом Республикаси ўртасида озиқ-овқат соҳасидаги ҳамкорликни янада кенгайтириш мақсадида жорий йилнинг 12 март куни илк чартер юк рейси амалга оширилди.
Маҳаллий вақт билан соат 21:10 да Лаҳордан учиб келган "Boeing737" ҳаво кемасида «Тошкент» халқаро аэропортига озиқ-овқат маҳсулотлари, хусусан, 17 тонна гўшт етказиб берилди.
Мазкур лойиҳа доирасида келгусида юк ташиш ҳажмини босқичма-босқич ошириш режалаштирилмоқда. Истиқболда бу кўрсаткични битта рейсда 100 тоннагача етказиш кўзда тутилган.
Таъкидлаш жоизки, илк юк рейси келгусида юқори сиғимдаги юк парвозларини амалга оширадиган "Air Speed Charter" авиакомпанияси ташаббуси билан Покистоннинг "Air Eagle" авиакомпанияси томонидан бажарилди.
