Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов 2 август куни 5 августга қадар давом этадиган расмий ташриф билан Ҳиндистонга борди. Бу ҳақда Ҳиндистон Ташқи ишлар вазирлиги маълум қилди.
Ҳиндистон ташқи сиёсат идораси маълумотига кўра, ташриф доирасида Ўзбекистон ташқи ишлар вазири Ҳиндистон президенти Драупади Мурму билан Раштрапати Бҳаван президент қароргоҳида учрашади, шунингдек, Ҳиндистон ташқи ишлар вазири Субраманьям Жайшанкар билан музокаралар ўтказади.
Шунингдек, Бахтиёр Саидов Нью-Дели шаҳрида бўлиб ўтадиган бизнес-форумда иштирок этади.
Ташриф давомида асосий эътибор Ўзбекистон ва Ҳиндистон ўртасидаги сиёсий, савдо-иқтисодий ҳамда инвестиция соҳаларидаги ҳамкорликни янада ривожлантириш масалаларига қаратилиши кутилмоқда.
