Ўзбекистонда 2026 йил январь ойида қурилиш ишлари ҳажми 13 триллион сўмдан ошди ва ўтган йилнинг шу даврига нисбатан 9,2% га ўсди
Тошкент, Ўзбекистон (UzDaily.uz) — 2026 йилнинг январь ойида Ўзбекистон Республикасида жами 13021,0 млрд сўмлик қурилиш ишлари бажарилиб, бу кўрсаткич 2025 йилнинг мос даврига нисбатан 9,2% га ошди, деб хабар беради Миллий статистика қўмитаси.
2026 йилнин гянварь ойида Ўзбекистон Республикасида бажарилган қурилиш ишларининг иқтисодий фаолият турлари бўйича тақсимланиши қуйидагича: бино ва иншоотлар қурилиши йўналиши 72,2% улушни ташкил этиб,ўсиш суръати 2025 йилнинг мос даврига нисбатан 4,9%га ошди, фуқаролик объектлари қурилиш ийўналиши 17,5% улушни ташкил этиб, ўсиш суръати 2025 йилнинг мос даврига нисбатан 35,6% га ошди, ихтисослаштирилган қурилиш ишлари йўналиши 10,3% улушни ташкил этиб,ўсиш суръати 2025йилнинг мос даврига нисбатан 4,3%га ошди.
Йирик қурилиш ташкилотлари томонидан 2026 йилнинг январь ойида бажарилган қурилиш ишлари ҳажми 3004,3 млрд сўмни ташкил этиб, 2025 йилнинг мос даврига нисбатан 8%га ошди. Умумий ҳажмдаги улуши 23,1% ниташкил этди.
Шунингдек, жами қурилиш ишлари ҳажмининг 46 %и кичик корхоналар ва микрофирмалар ҳиссасига тўғри келиб, 2025 йилнинг мос даврига нисбатан11,3%га ошиб, 5996,6 млрд сўм миқдорида қайд этилди.
Норасмий секторда қурилиш ишларининг улуши30,9% (4020,1 млрд сўм) бўлиб, 2025 йилнинг мос даврига нисбатан 7,1 %га ошди.
Йирикқурилишташкилотларитомониданбажарилганқурилишишларининг энг юқори ўсиш суръатлари Жиззах вилоятида (2025йилнинг мос даврига нисбатан 940,4%), ҚорақалпоғистонРеспубликасида (703,9%) ҳамдаСирдарёвилоятида (616%) қайдэтилди.
