Тошкент, Ўзбекистон (UzDaily.uz) — Аскер Наджафалиев бошчилигидаги ўзбекистонлик ҳакамлар бригадаси 2026/27 йилги мавсумда элита жамоалари ўртасидаги Осиё Чемпионлар лигаси саралаш босқичи доирасида «Аделаида Юнайтед» ва «Конг Ан Ханой» ўртасидаги учрашувни бошқаради. Ўйин 11 август куни бўлиб ўтади. Бу ҳақда Ўзбекистон футбол ассоциацияси хабар берди.
Учрашувнинг бош ҳаками этиб Аскер Наджафалиев тайинланган. Унга Бахтиёрхўжа Шавкатов ва Руслан Серазитдинов ёрдамчи ҳакам сифатида кўмаклашади. Абдурашид Худойберганов захира ҳаками вазифасини бажаради.
Ўзбекистоннинг яна бир вакили Валентин Коваленко саралаш босқичининг «Ганвон» ва «Гамба Осака» жамоалари ўртасидаги бошқа учрашувида ҳакамлар инспектори этиб тайинланди.
