Тошкент, Ўзбекистон (UzDaily.uz) — 2026 йил 1 октябрь ҳолатига кўра, Ўзбекистонда 18 847 нафар фаолият юритаётган ҳунарманд ҳисобга олинган. Ҳунармандлар энг кўп Фарғона вилоятида қайд этилган — 2 345 нафар. Бу ҳақда Миллий статистика қўмитаси хабар берди.
Ҳудудлар орасида иккинчи ўринни Тошкент шаҳри эгаллади. Унда 2 013 нафар ҳунарманд фаолият юритган. Кейинги ўринларда 1 908 нафар ҳунарманд билан Андижон вилояти ва 1 765 нафар билан Самарқанд вилояти қайд этилган.
Наманган вилоятида 1 665 нафар, Хоразм вилоятида 1 626 нафар ҳунарманд фаолият юритган. Тошкент вилоятида бу кўрсаткич 1 340 нафарни, Қашқадарё вилоятида эса 1 339 нафарни ташкил этган.
Бухоро вилоятида 1 165 нафар, Сурхондарё вилоятида 1 069 нафар ҳунарманд ишлаган. Қорақалпоғистон Республикасида эса 1 062 нафар уста ҳисобга олинган.
Жиззах вилоятида ҳунармандлар сони 850 нафарни ташкил этган.
Ҳунармандлар энг кам Навоий ва Сирдарё вилоятларида қайд этилган. Навоий вилоятида 368 нафар, Сирдарё вилоятида эса 332 нафар ҳунарманд рўйхатга олинган.
