Ўзбекистон ва Россия Адлия вазирликлари ходимларни бошқариш бўйича янги ёндашувларни муҳокама қилди
Тошкент, Ўзбекистон (UzDaily.uz) — Ўзбекистон ва Россия адлия вазирликлари ўртасида инсон ресурсларини бошқариш соҳасида тажриба алмашиш бўйича муҳим онлайн мулоқот бўлиб ўтди.
Ушбу учрашувда икки мамлакатнинг вазирликлари ўртасидаги ҳамкорликни кучайтириш, самарали инсон ресурслари бошқариш усулларини ўрганиш ва илғор тажрибаларни жорий қилиш масалалари муҳокама қилинди.
Мулоқот натижасида профессионал имкониятларни ошириш ва мутахассислар билан алоқаларни ривожлантиришга қаратилган янги ташаббуслар ишлаб чиқилди.
Бу каби ташаббуслар, аввало, давлат хизматчиларининг иш самарадорлигини оширишга хизмат қилади.
