Ўзбекистон ва Ҳиндистон ҳамкорликни кенгайтиришни муҳокама қилди
Тошкент, Ўзбекистон (UzDaily.uz) — Ўзбекистон ташқи ишлар вазирининг биринчи ўринбосари Бахромжон Аълоев 25 август куни Ҳиндистоннинг Ўзбекистондаги элчиси Смита Пант билан учрашди. Томонлар икки томонлама муносабатларнинг бугунги ҳолати ва уларни ривожлантириш истиқболларини муҳокама қилди. Бу ҳақда Ўзбекистон Республикаси Ташқи ишлар вазирлиги хабар берди.
Музокаралар давомида томонлар икки давлат ўртасидаги сиёсий мулоқотни фаоллаштириш масалалари юзасидан фикр алмашди.
Савдо-иқтисодий ва инвестиция соҳаларидаги ҳамкорликни янада кенгайтириш, шунингдек, маданий-гуманитар йўналиш ва бошқа устувор соҳалардаги алоқаларни ривожлантиришга алоҳида эътибор қаратилди.
Ўзбекистон ва Ҳиндистон вакиллари халқаро кун тартибидаги долзарб масалаларни ҳам муҳокама қилди.
