Тошкент, Ўзбекистон (UzDaily.uz) — Ўзбекистон аёллар терма жамоаси Осиё ўйинларининг чорак финалида Корея Республикаси терма жамоасига 3:6 ҳисобида мағлуб бўлди.
Учрашувда ҳисоб 1-дақиқадаёқ очилди — Чхве Ю-ри гол урди. 11-дақиқада Диёра Ҳабибуллаева мувозанатни тиклади — 1:1.
17-дақиқада Чхве Ю-ри Корея Республикаси терма жамоасини яна олдинга олиб чиқди. 44-дақиқада Су Чон Юн устунликни оширди, биринчи бўлимга қўшиб берилган вақтда эса яна бир гол уриб, ҳисобни 4:1 га етказди.
Иккинчи бўлимда Ўзбекистон фарқни қисқартирди. 64-дақиқада Чан Се-льги тўпни ўз дарвозасига киритиб қўйди, икки дақиқадан сўнг Нилуфар Қудратова Ўзбекистон терма жамоасининг учинчи голини урди — 4:3.
74-дақиқада Су Чон Юн учрашувдаги учинчи голини уриб, Корея Республикаси устунлигини икки тўпга етказди. Қўшиб берилган вақтда Ким Мин Жи якуний ҳисобни ўрнатди — 6:3.
Ўзбекистон аёллар терма жамоаси Осиё ўйинларидаги иштирокини чорак финал босқичида якунлади.
