Кон-геология вазирлигида Саудия Арабистони Энергетика вазирлиги вакили билан учрашув ташкил қилинди
Тошкент, Ўзбекистон (UzDaily.uz) — Жорий йилнинг 23 апрель куни Тоғ-кон саноати ва геология вазирлигида Саудия Арабистони Энергетика вазирлиги департаменти директори билан учрашув ўтказилди.
Учрашувда вазирнинг биринчи ўринбосари О.Насритдинходжаев, вазир ўринбосари У.Юсупов, “Тоғ-кон саноатида маҳаллийлаштириш ва саноат кооперациясини ривожлантириш илмий-амалий маркази” ДМ директори М.Илҳамов, Саудия Арабистони Энергетика вазирлиги департаменти директори Нассер Албакрон иштирок этишди.
Тадбирда Ўзбекистонда тоғ-кон саноати ва геология соҳасидаги ислоҳотлар, икки томонлама ҳамкорлик алоқалари, инвестиция лойиҳаларида “Маҳаллий контент” улушини ошириш ва маҳаллийлаштириш йўналишларида ўзаро тажриба алмашинуви каби масалалар муҳокама қилинди.
