Тошкент, Ўзбекистон (UzDaily.uz) — Ўзбекистонлик боксчи Жавоҳир Умматалиев Англиянинг Манчестер шаҳрида испаниялик Атакайте Сантанани мағлуб этиб, профессионал рингдаги учинчи ғалабасини қўлга киритди.
Олти раундга мўлжалланган жанг ҳакамларнинг якдил қарори билан ўзбекистонлик спортчи фойдасига якунланди.
Жанг Queensberry промоутерлик компанияси томонидан ташкил этилган профессионал бокс оқшоми доирасида бўлиб ўтди.
Ушбу учрашувдан сўнг Умматалиев мағлубиятсиз сериясини сақлаб қолди ва профессионал фаолиятидаги натижасини 3 та ғалаба ва 0 та мағлубиятга етказди.
