Тошкент, Ўзбекистон (UzDaily.uz) — Франциянинг «Пари Сен-Жермен» клуби дарвозабони Матвей Сафонов ва Туркиянинг «Галатасарой» жамоаси ярим ҳимоячиси Алексей Батраков Россия терма жамоасининг ноябрь ойидаги ўртоқлик учрашувлари учун якуний таркибидан жой олди.
Валерий Карпин бошчилигидаги жамоа учрашувлардан бирини Тошкентда Ўзбекистон миллий терма жамоасига қарши ўтказади. Бу ҳақда Россия футбол иттифоқи (РФИ) хабар берди.
Ўзбекистон ва Россия терма жамоалари ўртасидаги учрашув 12 ноябрь куни Тошкентда бўлиб ўтади.
Россия терма жамоаси яна бир ўртоқлик учрашувини 17 ноябрь куни Краснодар шаҳрида Венесуэла терма жамоасига қарши ўтказади.
Халқаро футбол федерациясининг (ФИФА) амалдаги рейтингида Россия терма жамоаси 35-ўринни эгаллаб турибди. Ўзбекистон 59-ўринда, Венесуэла эса 49-поғонадан жой олган.
