Жанубий Корея элчиси Фарғона вилоятидаги мутахассислар тайёрлаш марказига ташриф буюрди
Тошкент, Ўзбекистон (UzDaily.uz) — Жанубий Корея Республикасининг Ўзбекистондаги Фавқулодда ва мухтор элчиси Вон До Ён делегация билан бирга Ульсан шаҳри кўмагида ташкил этилган Фарғона вилоятидаги малакали мутахассислар тайёрлаш марказига ташриф буюрди.
Элчи марказнинг иш жараёни ва таълим жараёни билан танишиб, ташкилотчилик ва жиҳозланиш даражаси юқорилигини алоҳида қайд этди.
Вон До Ён мазкур лойиҳа Ўзбекистон ва Жанубий Корея ўртасидаги икки томонлама ҳамкорликни мустаҳкамлашга хизмат қилаётганини таъкидлаб, унинг янада ривожланиши ва кенгайишига умид билдирди.
Ташриф доирасида марказ иштирокчилари билан очиқ мулоқот ўтказилиб, элчи ёш мутахассисларни қизиқтирган саволларга жавоб берди ва уларга касбий ўсиш ҳамда келгуси фаолиятларида омад тилади.
