Жакартада Ўзбекистоннинг янги элчиси ишлай бошлади
Тошкент, Ўзбекистон (UzDaily.uz) — Ойбек Эшонов Ўзбекистоннинг Индонезиядаги фавқулодда ва мухтор элчиси этиб тайинланди.
Янги тайинланган элчи аллақачон Индонезиянинг пойтахти Жакарта шаҳрига етиб келди, дея хабар бермоқда ИА "Дунё".
57 ёшли Эшонов Тошкент давлат университетининг шарқшунослик факультетини (ҳозирда - Ўзбекистон Миллий университети) ва Ўзбекистон Республикаси Президенти ҳузуридаги давлат бошқаруви академиясини тамомлаган.
2008-2017 йилларда у Ўзбекистонни Исроилда элчи сифатида вакиллик қилган. Янги лавозимига тайинланишидан олдин Ўзбекистон Ташқи ишлар вазирлигида Жануби-Шарқий Осиё, Яқин Шарқ ва Ўрта Шарқ ҳамда Африка давлатлари билан ҳамкорлик бошқармасига раҳбарлик қилган.
Эшонов 2018 йилдан 2022 йилгача Ўзбекистоннинг Жакартадаги элчихонасини бошқарган Улуғбек Рўзиқулов ўрнини эгаллади. Розиқулов "Узавтосаноат" АЖ бошқаруви раиси этиб тайинланган.
