Жаҳонгир Мирпулатов Тошкент шаҳар Солиқ бошқармаси бошлиғи вазифасини бажарувчи этиб тайинланди

Тошкент, Ўзбекистон (UzDaily.uz) — Ўзбекистон Республикаси Солиқ қўмитаси раиси Фаррух Пулатов Тошкент шаҳар Солиқ бошқармаси бошлиғи вазифасини бажарувчини тайинлади.

Қўмита раҳбарининг буйруғига мувофиқ, Жаҳонгир Мирпулатов Тошкент шаҳар Солиқ бошқармаси бошлиғи вазифасини бажарувчи этиб тайинланди.

Ушбу тайинловга қадар у Солиқ қўмитасининг юридик шахсларга хизмат кўрсатиш департаменти директори лавозимида фаолият юритган. Янги тайинлов идора раҳбарининг тегишли буйруғи билан расмийлаштирилди.