Ўзбекистонда 85 ёшдан ошган аҳоли сони 169 минг кишига яқинлашди

Аҳоли ва қишлоқ хўжалиги рўйхатга олишнинг дастлабки якунларига кўра, Ўзбекистон аҳолиси сони 39 047 321 кишини ташкил этди.

Энг кўп сонли ёш гуруҳи 0 ёшдан 4 ёшгача бўлган болалар бўлиб, улар 4 607 149 кишини ташкил этади. 5 ёшдан 9 ёшгача бўлганлар — 3 859 606 киши, 10 ёшдан 14 ёшгача бўлганлар — 3 406 515 киши. Шундай қилиб, 15 ёшгача бўлган болалар деярли 11,9 млн кишини ёки мамлакат аҳолисининг қарийб 30 фоизини ташкил этади.

15 ёшдан 59 ёшгача бўлган аҳоли сони қарийб 23,2 млн кишини ташкил этади. Ушбу оралиқдаги энг йирик гуруҳлар — 30–34 ёшдагилар (3 167 974 киши) ва 35–39 ёшдагилар (3 090 226 киши).

60 ёш ва ундан катта аҳоли сони 4 млн кишига яқинлашди, бу аҳолининг қарийб 10 фоизини ташкил этади. Жумладан, 60–64 ёшдагилар 1 471 110 кишини, 65–69 ёшдагилар — 1 174 839 кишини, 70–74 ёшдагилар — 669 046 кишини, 75–79 ёшдагилар — 342 554 кишини, 80–84 ёшдагилар — 130 375 кишини ташкил этади.

Ўзбекистонда 85 ёш ва ундан катта аҳоли сони 168 973 кишини ташкил этди.