Миллионлар жанги: ЖЧ-2026 мураббийлари маошлари рейтинги
Finance Football нашри бўлажак жаҳон чемпионатида иштирок этувчи терма жамоалар бош мураббийларининг йиллик маошлари рейтингини эълон қилди. Рақамлар ҳайратланарли: айрим фаворит жамоалар устозлари камтарона шартномага эга бўлса, бошқа мураббийлар кутилмаганда дунёнинг энг бадавлат мураббийлари рўйхатидан жой олди.
Рейтингдан асосий маълумотлар:
Мутлоқ етакчи: Карло Анчелотти (Бразилия) йилига €10 млн маош билан рўйхатни бошқармоқда.
Топ-5 ликдаги сенсация: Ўзбекистон миллий терма жамоаси устози Фабио Каннаваро Франция, Нидерландия ва Уругвай мураббийларини ортда қолдириб, 5-ўринни эгаллади. Унинг маоши Роберто Мартинес (Португалия) билан тенг шароитда.
Фаворитларнинг камтарлиги: Турнир ғолиблигига асосий даъвогар ҳисобланган Аргентина (Лионел Скалони — €2,3 млн) ва Испания (Луис де ла Фуэнте — €2 млн) мураббийлари ҳатто топ-12 ликка ҳам кирмади.
Рўйхатнинг қуйи қисми: Хадзиме Мориясу (Япония) €1,1 млн, Руди Гарция (Бельгия) €700 минг, Стив Кларк (Шотландия) эса йилига €530 минг ишлаб топади.
Эслатма: Ўзбекистон футбол ассоциацияси этика қоидаларига кўра Каннаваронинг аниқ маошини очиқламайди. Аввалроқ матбуотда тарқалган €4 млн ҳақидаги хабарлар рад этилиб, италиялик мутахассиснинг реал маоши анча паст эканлиги таъкидланган эди.
