Эронлик инвесторлар Фарғонадаги лойиҳаларни ўрганди

Тошкент, Ўзбекистон (UzDaily.uz) — Фарғона вилояти ҳокими Хайрулло Бозоров Бешариқ туманида эронлик инвестор Пауляраб Мустафо бошчилигидаги тадбиркорлар гуруҳи билан учрашди.

Учрашувда янги инвестиция лойиҳаларини амалга ошириш, шунингдек, саноат, инфратузилма ва логистика соҳаларида ҳамкорликни кенгайтириш имкониятлари муҳокама қилинди.

Учрашув давомида Эрон бизнеси вакиллари Фарғона вилоятининг инвестиция салоҳияти, мавжуд имкониятлар ва истиқболли лойиҳалар билан танишди. Тадбиркорлар ҳудудда қўшма инвестиция ташаббусларини амалга оширишга қизиқиш билдирдилар.

Музокаралар якунида томонлар ҳамкорлик тўғрисида меморандум имзолади.