Ўзбекистон Эрон билан ўртоқлик ўйини ўтказади

Тошкент, Ўзбекистон (UzDaily.uz) — Ўзбекистон футбол терма жамоаси 24 сентябрь куни бўлажак ФИФА халқаро ойнаси доирасида Эрон терма жамоасига қарши ўртоқлик учрашувини ўтказади.

Учрашув Фарғонадаги «Истиқлол» стадионида бўлиб ўтади. Бу ҳақда Ўзбекистон футбол ассоциацияси хабар берди.

Ўзбекистон миллий терма жамоаси мазкур ўйинда бош мураббий Фабио Каннаваро раҳбарлигида майдонга тушади.

Эронга қарши баҳс Ўзбекистон терма жамоасининг бўлажак ФИФА кунлари доирасидаги назорат учрашуви бўлади.