Элдор Адилов Ўзбекистон соғлиқни сақлаш вазири бўлди

Тошкент, Ўзбекистон (UzDaily.uz) — Элдор Адилов Ўзбекистон Республикаси соғлиқни сақлаш вазири лавозимига тайинланди. Унинг номзоди Олий Мажлис Қонунчилик палатаси депутатлари томонидан маъқулланганидан сўнг мазкур қарор қабул қилинди.

Тайинлов муносабати билан Адилов Президент Администрациясининг Ҳуқуқий экспертиза ва комплекс таҳлил департаменти сектор мудири лавозимидан озод этилди.

Унинг ўрнида ишлаб келган Асилбек Худаяров бошқа ишга ўтиши муносабати билан соғлиқни сақлаш вазири лавозимидан озод қилинди.

Асилбек Худаяров Ўзбекистон соғлиқни сақлаш вазири этиб 2024 йил январь ойида тайинланган эди.