CSCEC International «Янги Бекобод»ни ривожлантиришга ёрдам беради

Тошкент, Ўзбекистон (UzDaily.uz) — «Ўзметкомбинат» АЖ ва Хитойнинг CSCEC International компанияси Ўзбекистонда янги инвестиция лойиҳаларини амалга ошириш бўйича келишувга эришди. Лойиҳалар қаторида қуввати 150 МВтгача бўлган энергия сақлаш тизимини яратиш ва Бекободни замонавий «Янги Бекобод» шаҳрига айлантириш режаси ҳам бор. Бу ҳақда «Ўзметкомбинат» АЖ хабар берди.

Компания вакилларининг Хитой делегацияси билан учрашуви аввалроқ «Ўзметкомбинат» вакилларининг Хитойга ташрифи доирасида ўтказилган музокараларнинг давоми бўлди. Музокараларда томонлар эришилган келишувларни амалий жиҳатдан амалга ошириш масалаларини муҳокама қилишга ўтди.

Асосий йўналишлардан бири қуввати 150 МВтгача бўлган энергия сақлаш тизими лойиҳасини молиялаштириш ва унга инвестиция киритиш масаласи бўлди. Томонлар, шунингдек, Тебинбулоқ лойиҳаси устида биргаликда ишлаш ва Ўзбекистон ҳудудида йирик инвестиция ташаббусларини амалга оширишга келишиб олди.

Бекободни ривожлантириш масаласига алоҳида эътибор қаратилди. Эришилган келишувлар доирасида шаҳарни замонавий «Янги Бекобод»га айлантириш режалаштирилмоқда. Хитойлик ҳамкорларга ушбу йўналиш бўйича лойиҳа таклифини тайёрлаш вазифаси юклатилди.

Учрашув якунига кўра «Ўзметкомбинат» ва CSCEC International ўртасида ҳамкорлик меморандуми имзоланди. Ҳужжат томонлар ўртасида узоқ муддатли ва ўзаро манфаатли шерикликни ривожлантиришни назарда тутади.