Тошкент, Ўзбекистон (UzDaily.uz) — 17 ёшгача бўлганлар ўртасидаги Осиё Кубоги якунларига кўра, Ўзбекистон ўсмирлар терма жамоаси футболчилари индивидуал совринларга сазовор бўлди.

Асилбек Алиев мусобақанинг энг яхши тўпурари деб топилди — у бешта гол урди.

Турнирнинг энг яхши футболчиси унвони эса Садриддин Ҳасановга берилди.

Мусобақанинг энг яхши дарвозабони деб Неъматуллоҳ Рустамжонов эълон қилинди.

Эслатиб ўтамиз, финал учрашувида Ўзбекистон терма жамоаси иккинчи таймни бир ўйинчи камчиликда ўтказганига қарамай, Саудия Арабистонини 2:0 ҳисобида мағлуб этиб, Осиё чемпиони бўлди.