Абдумажид Шермухамедов Хоразм вилояти ИИВ бошлиғи этиб тайинланди
Тошкент, Ўзбекистон (UzDaily.uz) — Полковник Абдумажид Шермухамедов Хоразм вилояти Ички ишлар бошқармасига янги раҳбар этиб тайинланди.
Вилоят ҳокимияти маълумотига кўра, мазкур лавозимга тайинлангунга қадар Шермухамедов Тошкент шаҳри Юнусобод тумани ички ишлар органлари фаолиятини мувофиқлаштириш бошқармасини бошқарган.
Янги лавозимда у Равшан Султонхўжаевнинг ўрнини эгаллади. Султонхўжаев эса Тошкент шаҳри Ички ишлар бош бошқармаси раҳбари этиб тайинланди.
