Toshkent, O’zbekiston (UzDaily.uz) — O‘zbekiston Hindistondan papayya va ananas import qilish uchun o‘z bozorini ochish jarayonini tezlashtirish masalasini muhokama qilmoqda. Muzokaralar O‘zbekiston Respublikasi Oziq-ovqat mahsulotlari xavfsizligi qo‘mitasi va Hindistonning O‘simliklarni himoya qilish milliy tashkiloti o‘rtasida olib borilmoqda.
«Tomonlar Hindiston papayyasi va ananosini import qilish uchun O‘zbekiston bozorini ochish jarayonini tezlashtirish yo‘llarini muhokama qilmoqda», — deb maʼlum qildi O‘zbekiston Respublikasi Oziq-ovqat mahsulotlari xavfsizligi qo‘mitasi.
Shu bilan birga, O‘zbekiston qishloq xo‘jaligi mahsulotlarining Hindiston bozoriga kirishi ham kengaymoqda. Muzokaralar yakunlari bo‘yicha O‘zbekiston anor va achchiq qalampirni Hindistonga eksport qilish uchun fitosanitar ruxsatnomaga ega bo‘ldi.
Shunday qilib, ikki mamlakatning fitosanitar hamkorligi ikki yo‘nalishda rivojlanmoqda: Hindiston bozoriga kirishiga ruxsat berilgan O‘zbekiston mahsulotlari ro‘yxati kengaymoqda va O‘zbekiston bozorini Hindiston meva mahsulotlari uchun ochish bo‘yicha ishlar davom etmoqda.
Ayni paytda tomonlar Hindistondan O‘zbekistonga papayya va ananas yetkazib berishni tezlashtirish uchun zarur bo‘lgan masalalarni kelishishni davom ettirmoqda.
