Kant sement zavodi O‘zbekistondagi vakolatxonasini tugatadi

Toshkent, O‘zbekiston (UzDaily.uz) — Kant sement zavodi O‘zbekistondagi o‘z vakolatxonasini yopish to‘g‘risida qaror qabul qildi.

Akchabar nashrining xabar berishicha, tegishli qaror 17 oktyabr kuni korxonaning navbatdan tashqari aksiyadorlarning umumiy yig‘ilishida maʼqullangan.

Yig‘ilish bayoniga ko‘ra, vakolatxonani tugatish bilan bog‘liq barcha zarur tashkiliy-huquqiy ishlarini amalga oshirish direktoriga topshirilgan. Shuningdek, kompaniya nizomidan O‘zbekiston hududida faoliyat yuritishni nazarda tutuvchi band chiqarib tashlangan.

Zavodning vakolatxonasi avval O‘zbekistonga sement yetkazib berishni muvofiqlashtirish va o‘zbek hamkorlar bilan hamkorlikni yo‘lga qo‘yish bilan shug‘ullangan.