Millionlar jangi: JCH-2026 murabbiylari maoshlari reytingi

Finance Football nashri bo‘lajak jahon chempionatida ishtirok etuvchi terma jamoalar bosh murabbiylarining yillik maoshlari reytingini e’lon qildi. Raqamlar hayratlanarli: ayrim favorit jamoalar ustozlari kamtarona shartnomaga ega bo‘lsa, boshqa murabbiylar kutilmaganda dunyoning eng badavlat murabbiylari ro‘yxatidan joy oldi.

Reytingdan asosiy ma'lumotlar:

Mutloq yetakchi: Karlo Anchelotti (Braziliya) yiliga €10 mln maosh bilan ro‘yxatni boshqarmoqda.

Top-5 likdagi sensatsiya: O‘zbekiston milliy terma jamoasi ustozi Fabio Kannavaro Fransiya, Niderlandiya va Urugvay murabbiylarini ortda qoldirib, 5-o‘rinni egalladi. Uning maoshi Roberto Martines (Portugaliya) bilan teng sharoitda.

Favoritlarning kamtarligi: Turnir g‘olibligiga asosiy da’vogar hisoblangan Argentina (Lionel Skaloni — €2,3 mln) va Ispaniya (Luis de la Fuente — €2 mln) murabbiylari hatto top-12 likka ham kirmadi.

Ro‘yxatning quyi qismi: Xadzime Moriyasu (Yaponiya) €1,1 mln, Rudi Garsiya (Belgiya) €700 ming, Stiv Klark (Shotlandiya) esa yiliga €530 ming ishlab topadi.

Eslatma: O‘zbekiston futbol assotsiatsiyasi etika qoidalariga ko‘ra Kannavaroning aniq maoshini ochiqlamaydi. Avvalroq matbuotda tarqalgan €4 mln haqidagi xabarlar rad etilib, italiyalik mutaxassisning real maoshi ancha past ekanligi ta'kidlangan edi.