Хусанов ЖЧдаги ҳодисадан сўнг операторни қўллаб-қувватлади

Тошкент, Ўзбекистон (UzDaily.uz) — Ўзбекистон терма жамоаси ҳимоячиси Абдуқодир Хусанов 18 июнь куни миллий жамоанинг ФИФА жаҳон чемпионатидаги дебют учрашуви давомида жабрланган телетрансляция операторини қўллаб-қувватлашини билдирди. Учрашув Колумбия терма жамоасига қарши бўлиб ўтган эди.

Ҳодиса ўйин эпизодларидан бирида содир бўлган. Хусанов тўп учун кураш жараёнида майдоннинг ён чизиғи яқинида турган оператор билан тўқнашиб кетган.

Ўйиндан кейин телетрансляция ходимининг аҳволи ҳақида маълумот олинди. Шунингдек, унга ўзбекистонлик футболчининг автографи туширилган махсус футболка топширилди.

Абдуқодир Хусанов операторга тезроқ соғайиб кетишини тилади ва унга қўллаб-қувватлов сўзларини йўллади.

Колумбияга қарши баҳс Ўзбекистон терма жамоаси учун футбол бўйича жаҳон чемпионатлари тарихидаги илк учрашув бўлди.