Холмуродов таэквондо WT бўйича ЖЧда бронза олди

Тошкент, Ўзбекистон (UzDaily.uz) — Таэквондо WT бўйича ёшлар ўртасида ўтаётган жаҳон чемпионатида Ўзбекистон терма жамоаси медаллар жамғармасини яна бир мукофот билан бойитди. Мамлакат вакили Шоҳжаҳон Холмуродов навбатдаги муваффақиятга эришди.

У 45 килограммгача бўлган вазн тоифасида иштирок этиб, ишончли тарзда ярим финалгача етиб борди ва шу билан жаҳон чемпионати совриндорлари қаторидан жой олди. Бироқ финалга чиқиш учун бўлган баҳсда у Таиланд вакилига мағлуб бўлди.

Мусобақа якунларига кўра, Холмуродов турнирни бронза медали билан тугатиб, жаҳон чемпионати совриндорларидан бирига айланди.