Ўзбекистон Осиё чемпионатида 10 та медаль қўлга киритди

Тошкент, Ўзбекистон (UzDaily.uz) — Ўзбекистон оғир атлетикачилари Тошкентда ўтказилаётган ўсмирлар ва ёшлар ўртасидаги Осиё чемпионатининг бугунги баҳсларида 10 та медаль қўлга киритди. Терма жамоа ҳисобида учта олтин, олтита кумуш ва битта бронза медали бор.

Ёшлар ўртасида 57 кггача бўлган вазн тоифасида Маржона Абдумуталова даст кўтариш бўйича олтин медални қўлга киритди. Шу вазн тоифасида ўсмирлар ўртасида Зариная Абдуллаҳакова даст кўтариш бўйича кумуш медалга сазовор бўлди.

61 кггача бўлган вазн тоифасида ёшлар ўртасида Зиёда Худойқулова даст кўтариш бўйича ғолиб бўлди, шунингдек, даст кўтариш ва иккикураш бўйича кумуш медалларга эга чиқди.

61 кггача бўлган вазн тоифасида ўсмирлар ўртасида Муниса Болтаева даст кўтариш бўйича олтин, иккикурашда кумуш ва силтаб кўтаришда бронза медалини қўлга киритди.

Яна икки кумуш медал Маржона Абдумуталовага силтаб кўтариш ва иккикураш баҳсларида насиб этди.