Хитойда сифат назорати ва метрология бўйича ўзбек ва хитойлик мутахассисларнинг учрашуви бўлиб ўтди

Тошкент, Ўзбекистон (UzDaily.uz) — Хитой Халқ Республикасида “Ўзбек илмий синов ва сифат назорати маркази” давлат муассасаси ҳамда Ҳенан Метрология, Сертификатлаш, Инспекция ва Синов Ассоциацияси, шунингдек, “Унитед Тестинг Инспестион & Сертифисатион Течнологй Со., Лтд” корхонаси ўртасида инвестицион ҳамкорликка доир учрашув бўлиб ўтди.

Музокаралар доирасида томонлар ўзаро ҳамкорликни ривожлантириш, синов ва сертификатлаш соҳасида тажриба алмашиш масалаларини муҳокама қилди.

Учрашув якунида томонлар ўртасида Инвестиция келишуви имзоланди. Ушбу келишув илмий синовлар, сифат назорати ва сертификатлаш йўналишларида қўшма лойиҳаларни амалга оширишга қаратилган.