Тошкент, Ўзбекистон (UzDaily.uz) — Vaqt Investitsiya Kompaniyasi инвестиция воситачиси сифатидаги фаолиятини тўхтатади«Vaqt Investitsiya Kompaniyasi» МЧЖ Ўзбекистон капитал бозорида инвестиция воситачиси сифатидаги фаолиятини тўхтатмоқда. Жамият таъсисчилари бу ҳақдаги қарорни 2026 йил 9 октябрда қабул қилган.
Тегишли мурожаат «Тошкент» Республика фонд биржасига келиб тушган.
Қимматли қоғозлари компания ҳисобида турган мижозлар 2026 йил 30 октябрга қадар ўз активларини ўз танловига кўра бошқа инвестиция воситачисига ўтказишлари мумкин.
Агар мижозлар белгиланган муддатда активларни ўтказиш бўйича қарор қабул қилмаса, уларнинг қимматли қоғозлари Қимматли қоғозлар марказий депозитарийсига ўтказилади.
Аввал компания «Samarqand vaqt depozitariysi» МЧЖ номи остида фаолият юритган.
Қўшимча маълумот олиш учун +998 95 108-82-28 телефон рақамига мурожаат қилиш мумкин.
