Умматалиев франциялик Сезарни мағлуб этди

Тошкент, Ўзбекистон (UzDaily.uz) — Жавоҳир Умматалиев 80 кг вазн тоифасида Ливерпул шаҳрида ўтаётган бокс бўйича жаҳон чемпионатида Ўзбекистон терма жамоасига учинчи олтин медални олиб келди.

Финал жангда 20 ёшли ўзбек боксиери 21 ёшли франциялик Йожерлен Сезарга қарши рингга кўтарилди.

Биринчи раунддаёқ Умматалиэв ташаббусни ўз қўлига олди ва рақибини нокаутга учратиб, раундни ишончли ғалаба билан якунлади.

Иккинчи раундда Сезар жангнинг боришини ўзгартиришга уринди, аммо Умматалиев унинг ҳужумларини нейтраллаштириб, яна устунликни қўлда сақлаб қолди.

Сўнгги раундда ўзбек спортчиси тўлиқ устунлик қилиб, учрашувни муносиб ғалаба билан якунлади.

Шу тариқа, Ўзбекистон терма жамоаси ҳисобида Ливерпулдаги жаҳон чемпионатида учта олтин ва учта бронза медали мавжуд.