Тошкентда 17 ёшли йигит Бўржар каналидан ҳалок бўлди

Тошкент, Ўзбекистон (UzDaily.uz) — Тошкент шаҳрида 22 август куни Бўржар каналидан 17 ёшли ўсмир ҳалок бўлди. Ҳодиса Seoul Mun савдо-ҳордиқ мажмуаси ҳудудида содир бўлгани ҳақида Ўзбекистон Бош прокуратураси матбуот хизмати хабар берди.

Маълумотларга кўра, йигит сувга тушиб кетган бош кийимини олиб чиқиш мақсадида каналга сакраган. Ҳозирда пойтахт Фавқулодда вазиятлар бошқармаси ходимлари қидирув ишларини давом эттирмоқда.