Тошкент ҳокимияти итлар ҳужуми сабабли эркак вафот этгани ҳақидаги хабарларни рад этди
Тошкент, Ўзбекистон (UzDaily.uz) — Тошкент шаҳар ҳокимияти ижтимоий тармоқларда тарқалган, итлар ҳужуми натижасида эркак киши вафот этгани ҳақидаги маълумотни рад этди.
Шаҳар маъмуриятининг маълум қилишича, Қорақамиш-2/4 массивида яшовчи 58 ёшли фуқаро ўткир юрак-қон томир етишмовчилиги туфайли вафот этган.
«Итлар ҳужуми содир бўлмаган», — дейилади ҳокимият баёнотида. Шунингдек, пойтахт аҳолисига ваҳимага тушмаслик ва тасдиқланмаган маълумотларни тарқатишдан тийилиш тавсия этилди.
