Шавкат Мирзиёев Покистон Бош вазирига ҳамдардлик йўллади

Тошкент, Ўзбекистон (UzDaily.uz) -- Ўзбекистон Республикаси Президенти вазифасини бажарувчи Шавкат Мирзиёев Кветта шаҳридаги полиция академиясида содир этилган террорчилик ҳужуми натижасида кўплаб инсонларнинг ҳалок бўлгани муносабати билан Покистон Ислом Республикаси Бош вазири Навоз Шарифга мактуб йўллади. Бу ҳақда ЎзР ТИВ Матбуот хизмати хабар беради.

Давлат раҳбари Покистон Ҳукумати ва халқига чуқур таъзия билдирди ҳамда ҳалок бўлганларнинг оила аъзоларига ва жароҳат олганларга самимий ҳамдардлик изҳор этди.