Сергей Ростовцев Словакияда учта медаль қўлга киритди
Тошкент, Ўзбекистон (UzDaily.uz) — Ўзбекистон терма жамоаси вакили Сергей Ростовцев 7–9 август кунлари Словакиянинг Прешов шаҳрида ўтказилган велотрек бўйича икки босқичли GP Slovak Cycling Federation мусобақасида учта медаль қўлга киритди.
Ростовцев мусобақанинг биринчи босқичида «скрэтч» дастурида олтин медалга сазовор бўлди. Спортчи «элиминейшн» дастурида эса кумуш ва бронза медалларини қўлга киритди.
Шу тариқа, Ўзбекистон терма жамоаси вакили мусобақада бирта олтин, бирта кумуш ва бирта бронза медаль билан иштирокини якунлади.
