SEMURG INSURANCE устав капитали талабларига риоя қилмагани учун мажбурий суғурта фаолияти ҳуқуқидан маҳрум қилинди

Тошкент, Ўзбекистон (UzDaily.uz) — Истиқболли лойиҳалар миллий агентлиги “SEMURG INSURANCE” АЖнинг мажбурий суғурта турлари бўйича фаолият юритиш лицензиясини бекор қилди.

Агентлик маълумотига кўра, компания 2025 йил 1 октябрдан кучга кирган умумий суғурта соҳасидаги мажбурий суғурта фаолияти учун талаб этиладиган 50 миллиард сўм миқдоридаги устав капитали бўйича шартни бажармаган.

Эндиликда “SEMURG INSURANCE” лицензияси қайта кўриб чиқилди ва компанияга фақат умумий суғурта соҳасида ихтиёрий суғурта турлари билан шуғулланиш ҳуқуқи қолдирилди.