Саидов Сальвадор элчисининг ишонч ёрлиқларини қабул қилди

Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов 28 июль куни Сальвадорнинг Ўзбекистондаги янги тайинланган Фавқулодда ва Мухтор Элчиси Юрий Павел Сантакрус Пердомонинг ишонч ёрлиқларини қабул қилди.

Саидов Ўзбекистон Сальвадорни Марказий Америкадаги истиқболли ҳамкорлардан бири сифатида кўришини билдирди.

Унинг сўзларига кўра, Тошкент сиёсий, савдо-иқтисодий, инвестициявий ва бошқа соҳаларда икки томонлама ҳамкорликни изчил кенгайтириш тарафдори.

Ўзбекистон ТИВ раҳбари янги элчига дипломатик фаолиятида муваффақиятлар тилади. Томонлар, шунингдек, икки томонлама муносабатларни сифат жиҳатидан янги босқичга олиб чиқишга тайёр эканини тасдиқлади.