Тошкент, Ўзбекистон (UzDaily.uz) — Ўзбекистон Президенти Администрацияси раҳбари Саида Мирзиёева Канада элчиси Кристофер Дагган билан учрашди.
Томонлар савдо-инвестициявий ҳамкорликни кенгайтириш ва виза тартиб-таомилларини соддалаштириш масалаларини муҳокама қилди. Бу ҳақда Саида Мирзиёеванинг хабарида маълум қилинди.
Учрашувда ишбилармонлик алоқаларини ривожлантириш ва таълим соҳасидаги ҳамкорлик масалаларига ҳам алоҳида эътибор қаратилди.
Саида Мирзиёева қўшма ташаббуслар Ўзбекистон ва Канада ўртасидаги муносабатларни янги босқичга олиб чиқиши, фуқаролар учун имкониятларни кенгайтириши ҳамда амалий манфаат келтиришига ишонч билдирди.