Тошкент, Ўзбекистон (UzDaily.uz) — Россия терма жамоаси Ўзбекистонда якунланган «Мираброра Усмонов Кубоги-2026» мемориал турнири ғолибига айланди.
Турнирнинг ҳал қилувчи учрашувида Ўзбекистон терма жамоаси Россияга 1:2 ҳисобида мағлуб бўлди. Мезбонларнинг ягона голини 90+2-дақиқада Даврон Тўлаганов урди.
Мусобақа якунларига кўра, биринчи ўринни Россия, иккинчи ўринни Ўзбекистон, учинчи ўринни Саудия Арабистони эгаллади.
Турнир якунида, шунингдек, «Энг яхши тўпурар», «Энг яхши дарвозабон», «Энг яхши футболчи» ва «Энг яхши ёш футболчи» номинациялари бўйича индивидуал совринлар ҳам топширилди.
