«Ўзбекнефтгаз» Fitch билан сукук чиқаришни муҳокама қилди

Тошкент, Ўзбекистон (UzDaily.uz) — “Ўзбекистон нефть ва гази — ОGU 2026” халқаро анжумани доирасида «Ўзбекнефтгаз» АЖ вакиллари томонидан жаҳоннинг йирик рейтинг агентликларидан бири бўлган “Fitch Ratings” ўртасида ҳамкорликни мустаҳкамлашга бағишланган учрашув ўтказилди.

Унда томонлар кредит рейтинг ошириш ҳамда турли молия инструментлари бўйича имкониятларини муҳокама қилишди.

Хусусан, исломий қимматли қогозлар «сукук» чиқариш ва бошқа исломий молия инструментлари муҳокамаси бўлиб ўтди.

Синдикатлашган кредитлар ташкил этиш, қўшимча еврооблигациялар чиқариш ва хеджлаш стратегиялари каби турли молиявий инструментлар таклиф этилди.

Учрашув якунида томонлар ўзаро ҳамкорликни янада кенгайтиришдан манфаатдор эканликларини билдиришди.