Ўзбекистоннинг тўқимачилик маҳсулотлари экспорти 11 ойда 2,3 млрд долларга етди
Тошкент, Ўзбекистон (UzDaily.uz) — Миллий статистика қўмитаси маълумотларига кўра, Ўзбекистон 2025 йил январь–ноябрь ойларида қарийб 2,3 млрд АҚШ доллари миқдорида тўқимачилик маҳсулотларини экспорт қилди.
Ушбу даврда тўқимачилик маҳсулотларининг мамлакат умумий экспортидаги улуши 7,3 фоизни ташкил этди.
Экспортнинг асосий қисмини тайёр тўқимачилик маҳсулотлари ташкил этиб, улар соҳа экспорт тушумларининг 52 фоизини таъминлади.
Ип-калава экспорти 28 фоизни, трикотаж матоси 11 фоизни, газламалар эса 6 фоизни ташкил этди. Пайпоқ маҳсулотларининг экспортдаги улуши 2 фоизга тўғри келган бўлса, гиламлар улуши тахминан 1 фоизни ташкил қилди.
