Молия

Ўзбекистонда ипотека кредитлари ҳажми 39,5 фоизга ошди

Ўзбекистонда ипотека кредитлари ҳажми 39,5 фоизга ошди
Ўзбекистонда ипотека кредитлари ҳажми 39,5 фоизга ошди / Фото: UzDaily.

Тошкент, Ўзбекистон (UzDaily.uz) — Ўзбекистон тижорат банклари 2026 йил январь–октябрь ойларида жисмоний шахсларга жами 23,6 трлн сўмлик 75,8 мингта ипотека кредити ажратди. Бу ҳақда ипотека кредитлари статистикасини эълон қилган манба хабар берди.

2025 йилнинг шу даврига нисбатан ажратилган ипотека кредитлари ҳажми 39,5 фоизга ошган.

Бирламчи кўчмас мулк бозорида ипотека кредитлари ҳажми 17,4 трлн сўмни ташкил этди. Бу ўтган йилнинг январь–октябрь ойларидаги кўрсаткичдан 42 фоизга кўп.

Иккиламчи бозорда эса банклар 6,2 трлн сўмлик ипотека кредитлари ажратди. Ушбу сегментда йиллик ўсиш 33 фоизга етди.

Жами кредитлар ҳажмининг 12,2 трлн сўми эркакларга, яна 11,4 трлн сўми эса аёлларга тўғри келди.

2025 йилнинг шу даврига нисбатан эркакларга ажратилган ипотека кредитлари суммаси 20,9 фоизга, аёлларга берилган кредитлар ҳажми эса 67 фоизга ошди.

Банклар ёш қарз олувчиларга 22,3 мингта ипотека кредити ажратди. Уларнинг сони йиллик ҳисобда 36,5 фоизга кўпайди.

Ёшларга берилган ипотека кредитларининг умумий суммаси 7,2 трлн сўмга етди. Бу ўтган йилнинг шу давридаги кўрсаткичдан 42,9 фоизга юқори.

 

 

Дилафруз Ниязова
Дилафруз Ниязова

Дилафруз Ниязова 2025 йилдан буён UzDaily жамоасида фаолият юритиб, нашрнинг ўзбек тилидаги версияси учун масъулдир.