Ўзбекистонда 4 мингдан ортиқ эгизак туғилиш ҳолати қайд этилди

Тошкент, Ўзбекистон (UzDaily.uz) — 2026 йилнинг январь–март ойларида Ўзбекистонда 4 минг 231 та эгизак туғилиш ҳолати рўйхатга олинди. Бу даврда мамлакат бўйича жами 191 минг 86 нафар тирик туғилган чақалоқ қайд этилган. Бу ҳақда Миллий статистика қўмитаси маълум қилди.

Умумий туғилишлар сонидан 186 минг 723 таси якка ҳомилали туғруқларни ташкил этган. Эгизаклар 4 минг 231 та ҳолатда қайд қилинган. Уч эгизак ва ундан ортиқ бола туғилиши эса 132 марта рўйхатга олинган.

Статистик маълумотларга кўра, янги туғилган чақалоқлар орасида ўғил болалар 98,5 минг нафарни ёки умумий соннинг 51,5 фоизини ташкил этган. Қиз болалар эса 92,6 минг нафар ёки 48,5 фоизни ташкил қилди.

Энг кўп туғилиш Самарқанд вилоятида қайд этилган бўлиб, бу ерда 23 минг 120 нафар чақалоқ дунёга келган. Кейинги ўринда 21 минг 563 нафар янги туғилган чақалоқ билан Фарғона вилояти жойлашган.

Қашқадарё вилоятида эса 21 минг 292 та туғилиш қайд этилган.