Тошкент, Ўзбекистон (UzDaily.uz) — Ўзбекистон ва Япония давлат хизматчиларининг касбий салоҳиятини оширишга қаратилган JDS стипендия дастурини янада ривожлантириш масалаларини муҳокама қилди.
Ҳамкорлик масалалари Бошқарув самарадорлиги агентлиги директори вазифасини бажарувчи У. Ҳусеинова ва JDS JICE офисининг Ўзбекистондаги минтақавий лойиҳа раҳбари Томоми Игараси томонидан кўриб чиқилди.
Учрашувнинг асосий мавзуларидан бири 2027–2028 ўқув йили учун давлат хизматчиларини JDS магистратура дастурларига қабул қилишни ташкил этиш бўлди. Томонлар, шунингдек, дастурдаги таълим йўналишларини замонавий устувор вазифалар, жумладан, экологик барқарорлик ва иқлим ўзгариши масалаларига мослаштириш заруратини муҳокама қилди.
Сейсмик хатарларни бошқариш ва барқарор инфратузилмани ривожлантириш соҳаларида Япония тажрибасини ўрганишга алоҳида эътибор қаратилди. Кейинчалик ўрганиш учун Digital Twins технологиялари, географик ахборот тизимлари (GIS) ва интеллектуал транспорт тизимлари ҳам йўналишлар қаторида қайд этилди.
Учрашув иштирокчилари JDS дастури битирувчиларининг салоҳиятидан давлат бошқаруви тизимида самарали фойдаланиш масаласини ҳам кўриб чиқди.
Учрашув якунлари бўйича томонлар JDS дастурини Ўзбекистоннинг стратегик устувор вазифаларига мувофиқлаштириш ва илғор Япония тажрибасини давлат бошқаруви амалиётига жорий этиш бўйича ҳамкорликни давом эттиришга келишиб олди.
Бошқарув самарадорлиги агентлиги давлат хизматчиларини хорижда ўқитишни назарда тутувчи халқаро стипендия дастурларида миллий ҳамкор вазифасини бажаради.
