Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов 28 сентябрь куни Россиянинг Ўзбекистондаги Фавқулодда ва Мухтор Элчиси Алексей Ерхов билан учрашув ўтказди. Бу ҳақда Ўзбекистон ТИВ раҳбари хабар берди.
Томонлар икки томонлама кун тартибидаги долзарб масалалар, шунингдек, ҳар томонлама стратегик шериклик ва иттифоқчилик муносабатларини янада мустаҳкамлаш масалаларини муҳокама қилди.
Бўлажак икки томонлама алоқаларга алоҳида эътибор қаратилди.
Бахтиёр Саидов Ўзбекистон ва Россия ўртасидаги кўп қиррали ҳамкорликни изчил ривожлантириш мақсадида яқин ҳамкорликни давом эттириш ниятини билдирди.
