Ўзбекистон ва Хитойнинг Эксимбанки инвестиция ҳамкорлигини кенгайтиради

Тошкент, Ўзбекистон (UzDaily.uz) — 25 август куни Ўзбекистон Республикаси инвестициялар, саноат ва савдо вазири ўринбосари Илзат Касимов Хитой Экспорт-импорт банки вице-президенти Ванг Канг билан молиявий ҳамкорликни кенгайтириш истиқболлари ва қўшма инвестиция лойиҳаларини амалга ошириш масалаларини муҳокама қилиш юзасидан учрашув ўтказди.

Ўзбекистон ва Хитой Эксимбанки ўртасидаги қўшма лойиҳалар портфели 5,7 млрд доллардан ошади. Айни пайтда 500 млн долларлик телекоммуникация лойиҳаси фаол амалга оширилмоқда.

Умумий қиймати 1,05 млрд доллар бўлган 7 та истиқболли лойиҳага, жумладан гидроэнергетика, сув инфратузилмаси, қишлоқ хўжалиги ва транспорт соҳаларидаги лойиҳаларга, шунингдек, Пунгон–Наманган автомобиль йўли лойиҳасига алоҳида эътибор қаратилди.

Учрашув якунида томонлар устувор лойиҳаларни амалга оширишни жадаллаштириш ва қўшма инвестиция портфелини янада кенгайтиришга қизиқиш билдирди.