Тошкент, Ўзбекистон (UzDaily.uz) — Ўзбекистон ва Қозоғистоннинг Ақтўбе вилояти савдо-иқтисодий ҳамкорликни кенгайтириш истиқболларини муҳокама қилди.
Музокаралар Ўзбекистон Савдо-саноат палатасида Қозоғистон делегацияси иштирокида бўлиб ўтди. Делегацияга вилоят ҳокими ўринбосари Абзал Абдикаримов бошчилик қилди.
Қозоғистонлик тадбиркорлар резина-техника буюмлари, гўшт ва сут маҳсулотлари ишлаб чиқариш, қишлоқ хўжалиги ҳамда озиқ-овқат маҳсулотларини қайта ишлаш соҳаларидаги маҳсулотлари ва ҳамкорлик таклифларини тақдим этди.
Учрашув иштирокчилари енгил саноат, тўқимачилик ишлаб чиқариши ва логистика соҳаларида ҳамкорликни ривожлантириш имкониятларини ҳам кўриб чиқди.
Бошқа йўналишлар қаторида ишлаб чиқаришни маҳаллийлаштириш, саноат кооперациясини чуқурлаштириш ва қўшма корхоналар ташкил этиш масалалари муҳокама қилинди.
Ақтўбе вилоятидан Ўзбекистон бозорига гўшт ва сут маҳсулотларини етказиб бериш масаласига алоҳида эътибор қаратилди.
Томонлар сертификатлаш, шунингдек, ветеринария ва карантин талабларига риоя қилиш масалалари юзасидан фикр алмашди.
Ўзбекистон Савдо-саноат палатаси Ақтўбе вилояти ишлаб чиқарувчилари, ўзбекистонлик харидорлар, маҳаллий ишлаб чиқарувчилар ва тегишли ташкилотлар ўртасида ишбилармонлик алоқаларини ўрнатишга кўмаклашишга тайёрлигини билдирди.
Учрашув якунида иштирокчилар алоқа маълумотларини алмашди ва ҳамкорликнинг муайян йўналишлари бўйича кейинги ишбилармонлик музокараларини ўтказишга келишиб олди.
